မြန်မာနှင့် ဘင်္ဂလားဒေ့ခ်ျနိုင်ငံတို့ကြား မည်သို့ပင် သဘောတူညီချက် စာချုပ်များ လက်မှတ်ရေးထိုးပါစေ၊ ရိုဟင်ဂျာအရေးသည် မြန်မာနိုင်ငံ၏ ခွဲခြားဆက်ဆံမှုပေါ်လစီကြောင့် ပေါ်ပေါက်လာသည့်အတွက် အဆိုပါ ခွဲခြား ဆက်ဆံမှု၊ ဖိနှိပ်ချုပ်ချယ်မှုနှင့် ညှင်းပန်းနှိပ်စက်မှုများကို မရပ်တန့်မချင်း ရိုဟင်ဂျာအရေးကို ဖြေရှင်းနိုင်မည် မဟုတ်ပေ။

၁၉၇၈မှစ၍ ယနေ့အထိ နိုင်ငံတော်၏ ခွဲခြားဆက်ဆံမှု ပေါ်လစီနှင့် လူမျိုးတုံးသတ်ဖြတ်ရေး စီမံကိန်းများကြောင့် အကြိမ်ပေါင်းများစွာ ဒုက္ခသည် အရေးပေါ်လာခဲ့သည်။ နှစ်နိုင်ငံကြား သဘောတူညီမှု လက်မှတ်ရေးထိုး၍ ဒုက္ခသည်များကို ခေါ်ယူခဲ့သော်လည်း ၂၀၁၂မှ ယနေ့အထိ အခြေအနေကို သုံးသပ်ကြည့်လျှင် နိုင်ငံတော်ပေါ်လစီအရ ရိုဟင်ဂျာတို့အား လူမျိုးတုံး သုတ်သင်နေကြောင်း ထင်ရှားသည်။

မြန်မာအစိုးရက ရခိုင်ပဋိပက္ခဟု အမည်ပေးထားသော်လည်း ၂၀၁၂မှ ယနေ့အထိ ဒုက္ခသည်များကို ၎င်းတို့၏ မူလနေရာများတွင် ပြန်လည်နေရာချပေးခြင်း မရှိခြင်းသည်လည်းကောင်း၊ ရိုဟင်ဂျာတို့အား အလုပ်လုပ်ခွင့်၊ ကျောင်းတက်ခွင့်၊ ဆေးဝါးကုသခွင့် မပေးခြင်းသည်လည်းကောင်း၊ မြန်မာနိုင်ငံ၏ မည်သည့်ဥပဒေ၌ပင် ဖော်ပြထားခြင်းမရှိသော NVC ကဒ်ကို ရိုဟင်ဂျာတို့အတွက် ထုတ်ပေးရန် စီမံကိန်းရေးဆွဲထားခြင်းသည်လည်းကောင်း၊ နိုင်ငံတော်ပေါ်လစီအရ လူမျိုးတုံးသုတ်သင်နေကြောင်း ထင်ရှားနေသည်။

အနောက်နိုင်ငံများ၊ ဥရောပသမဂ္ဂအဖွဲ့ဝင်နိုင်ငံများက မြန်မာ-ဘင်္ဂလားဒေ့ခ်ျတို့၏ သဘောတူညီချက်ကို အပြုသဘောဖြင့် ကြိုဆိုသည့်တိုင် နိုင်ငံတော်ပေါ်လစီ မပြောင်းမချင်း ရိုဟင်ဂျာအရေး ဖြေရှင်းနိုင်မည်မဟုတ်။ ဘင်္ဂလား-မြန်မာ သဘောတူညီမှုသည် မြန်မာနိုင်ငံထက် တရုတ်အတွက် ပို၍ အကျိုးဖြစ်ထွန်းပေလိမ့်မည်။

တရုတ်က နှစ်နိုင်ငံကြား ကြားဝင်ဆောင်ရွက်နေကြောင်း ပြသ၍ မြစ်ဆုံစီမံကိန်း၊ ရခိုင်ဒသေရှိ ရေနက်ဆိပ်ကမ်းစီမံကိန်း၊ စက်မှုဇုံစီမံကိန်းစသည့် စီမံကိန်းပေါင်းများစွာအတွက် လမ်းခင်းနိုင်ခဲ့ပြီ။ ဘင်္ဂလားဒေ့ခ်ျရောက် ရိုဟင်ဂျာများကို ဂုဏ်သိက္ခာရှိရှိ၊ လုံခြုံစွာ ပြန်လည်ခေါ်မည်ဟု မြန်မာအစိုးရက ကတိပေးထားသော်လည်း ၂၀၁၂မှ ယနေ့အထိ စစ်တွေ၊ မြေပုံ၊ ပေါက်တော၊ မင်းပြား၊ ကျောက်တော်၊ ကျောက်ဖြူ၊ နှင့် မြောက်ဦးမြို့နယ်များတွင် ဒုက္ခသည်စခန်းများ၌ နေထိုင်နေသော ရိုဟင်ဂျာတို့အား မိမိတို့၏ မူလနေရာများတွင် ပြန်လည်အခြေချခွင့်ပေးရန် အစီအစဉ်မရှိခြင်းသည် လူမျိုးတုံး သုတ်သင်ရေးစီမံကိန်းပင် ဖြစ်သည်။

ရက်စက်ကြမ်းကြုတ်မှုကြောင့် လတ်တလော အသက်လုထွက်ပြေးသူ ၆သိန်းကျော်ကို ပြန်လည်မခေါ်ယူမီ ၂၀၁၂ ကတည်းက ဒုက္ခသည်စခန်းများတွင် ပိတ်လှောင်ထားသူတို့အား ၎င်းတို့၏မူလနေရာများ၌ ပြန်လည်အခြေချခွင့် ပေးရမည်။ ၎င်းတို့၏ မွေးရာပါ နိုင်ငံသားအခွင့်အရေးများကို တခြားတိုင်းရင်းသား၊ နိုင်ငံသားများနည်းတူ ပေးရမည်။

၁၉၉၀ မတိုင်မီ ၃ခေါက်ချိုးကိုင်ထားပါလျက် ဝှိုက်ကဒ်ထုတ်ပေးပြီး လူမျိုးတုံးသုတ်သင်နေခြင်းကို ရပ်ဆိုင်းရမည်။ NVC ခေါ် လူမျိုးတုံးသုတ်သင်ရေးအတွက် ချမှတ်ထားသည့် နိုင်ငံတော်၏ နောက်ဆုံးခြေလှမ်းကိုလည်း ချက်ချင်းရပ်တန့်ပြီး မြန်မာနိုင်ငံသား ဥပဒေနှင့်အညီ စီစစ်ရေးကဒ်ပြားများ ထုတ်ပေးရမည်။

ဘင်္ဂလီဟုခေါ်ပြီး နိုင်ငံမဲ့ဘဝရောက်စေသည့် ပေါ်လစီကို ဖျက်သိမ်းပြီး ရိုဟင်ဂျာတို့အား ရိုဟင်ဂျာဟုသာ ခေါ်ဆိုရမည်။ ဘင်္ဂလားဒေ့ခ်ျနေ ရခိုင်တိုင်းရင်းသား တစ်သန်းနီးပါးကို ယခင်က မော့ဂ်ဟု ခေါ်ခဲ့ရာ နိုင်ငံတကာ ဖိအားကြောင့် ဘင်္ဂလားဒေ့ခ်ျအစိုးရက သူတို့အား ရခိုင်ဟု ပြောင်းလဲခေါ်နေရကြောင်းကို သင်ခန်းစာယူသင့်သည်။

ထိုသို့မဟုတ်ပါက ရိုဟင်ဂျာအရေးကို မည်သည့်အခါမျှ မဖြေရှင်းနိုင်ရုံမက ဂျီနိုဆိုက် ကျူးလွန်သူများသည်သာ ICC ရောက်လိမ့်မည်။ နိုင်ငံတော်ပိုင် မီဒီယာများ၏ အာဘော်အတိုင်း ရိုဟင်ဂျာကို ဘင်္ဂလီဟု ဖော်ပြနေသည့် မီဒီယာများလည်း ဂျီနိုဆိုဒ် တရားခံ စာရင်းဝင်သွားလိမ့်မည်။

စိတ်ထားအမွန်မြတ်ဆုံးပုဂ္ဂိုလ် အမှန်တရားဘက်မှ အမြဲရပ်တည်သည့် ပုဂ္ဂိုလ် ကိုငြိမ်းချမ်းအောင်က ရိုဟင်ဂျာများအတွက် စိတ်စေတနာဖြူစွာဖြင့် အကြံပေး ပြောဆိုချက်

 

Facebook Comments
Comments are closed.

Check Also

Jews under Nazis’ Democracy and Rohingya under Burmese Democracy transition

Once in power, Hitler moved quickly to end German democracy. Jews, who numbered about 525,…