“ရခိုင်ဒေသမှာ နေထိုင်တဲ့ ဘင်္ဂါလီတွေ တရားဥပဒေကို လေးစားလိုက်နာမှု  လုံးဝမရှိ တရားဥပဒေ စိုးမိုးရေးအရ တည်ငြိမ်မှုရှိအောင် လုပ်ကြရတော့မယ်” လို့ တပ်မတော် ကာကွယ်ရေးချုပ် မင်းအောင်လှိုင်က ဒီဇင်ဘာလ ၂ ရက်နေ့ ရခိုင်ပြည်နယ် စစ်တွေတပ်နယ်မှ အရာရှိ စစ်သည်နဲ့ မိသားစုတွေနဲ့ တွေ့ဆုံစဉ် ပြောကြားလိုက်ပါတယ်။

တရားဥပဒေကို မင်းအောင်လှိုင် အပါအဝင် လူတိုင်းလေးစားလိုက်နာရမည်လို့ နိုင်ငံ့ခေါင်းဆောင်ဆိုသူတွေ နိုင်ငံရေးသမားတွေက ပြောလေ့ရှိပေမဲ့ တရားဥပဒေကို လေးစားလိုက်နာခြင်း လုံးဝ မရှိသူတွေအနက် မြန်မာ့ စစ်ဗိုလ်ချုပ်တွေနဲ့ နိုင်ငံရေးသမားတချို့ကတော့ ထိပ်ဆုံးမှာ ရှိနေတယ်။

ပြည်သူတွေအနေနဲ့ “တရားဥပဒေ ဘာလဲ” ဆိုတာ နားလည်ဖို့ လိုတယ်။ တရားဥပဒေဆိုတာ ပြည်သူ့အကျိုး နိုင်ငံ့အကျိုးအတွက် ပြည်သူ့ကိုယ်စားလှယ်တွေက ဆွေးနွေးတိုင်ပင်ပြီး လူတိုင်းလေးစား လိုက်နာရန် ချမှတ်ပြဌာန်းတဲ့ စည်းမျဉ်း စည်းကမ်းတွေပင်ဖြစ်တယ်။

၁၉၈၈ တွင် ပြည်သူအားလုံးက ဒီမိုကရေစီ လိုလားကြောင်း ဆန္ဒပြတောင်းဆိုခဲ့တယ်။ စစ်အာဏာရှင်တွေက ပြည်သူအားလုံးရဲ့ ဆန္ဒကို လျစ်လျူရှူပြီး ၁၉၉၀ ရွေးကောက်ပွဲရလဒ်ကို အကောင်အထည်ဖော် ဆောင်ရွက်ခဲ့ခြင်းမရှိ။ သူတို့ ပေးခဲ့တဲ့ ကတိတွေ သူတို့ရေးဆွဲခဲ့တဲ့ ဥပဒေတွေကို သူတို့ကိုယ်တိုင် လိုက်နာခဲ့ခြင်းမရှိခဲ့ပေ။ တရားဥပဒေကို စိတ်တိုင်းကျ ချိုးဖောက် ကျူးလွန်ခွင့် ရရှိရန် ၂၀၀၈ ဖွဲ့စည်းပုံအခြေခံဥပဒေကို ရေးဆွဲခဲ့တယ်။

မြန်မာနိုင်ငံမှာ တရားဥပဒေကို မလေးစားမလိုက်နာဆုံး ပုဂ္ဂိုလ်တွေကတော့ နိုင်ငံတော်ရဲ့ အချုပ်အခြာကို အကာအကွယ်ပေးနေတယ်လို့ ကြွေးကြော်သူတွေသာဖြစ်တယ်။ “ရိုဟင်ဂျာ” အသုံးအနှုံးကို တွင်တွင်ကျယ်ကျယ်သုံးပြီး တိုင်းရင်းသားအဖြစ် အသိအမှတ်ပြုခဲ့တာလဲ စစ်ခေါင်းဆောင်ဖြစ်တယ်။ အဆိုပါ ရိုဟင်ဂျာ တိုင်းရင်းသားတွေကို ခိုးဝင်ဘင်္ဂလီဟု စွပ်စွဲနေတာလဲ အာဏာရူး စစ်ခေါင်းဆောင်တွေပဲဖြစ်တယ်။

၁၉၉၀ မတိုင်မီ ရိုဟင်ဂျာအားလုံး တခြားတိုင်းရင်းသားတွေကဲ့သို့ပင် အမျိုးသားမှတ်ပုံတင် ကိုင်ဆောင်ထား သူတွေဖြစ်ခဲ့တယ်။ တရားဥပဒေကို လေးစားလိုက်နာခြင်းမရှိတဲ့ စစ်ခေါင်းဆောင်တွေက ရိုဟင်ဂျာတွေ လက်ဝယ်ရှိ NRC တွေကို စီစစ်ရေးကဒ်နဲ့ အစားမထိုးပဲ ယာယီကဒ်တွေနဲ့ အစားထိုးခဲ့တယ်။

၂၀၁၆ နဲ့ ၂၀၁၇ သြဂုတ်လ စပြီး စစ်အာဏာရှင်တွေ မွေးထားတဲ့ ARSA အဖွဲ့ကို စနစ်တကျအသုံးချပြီး ရိုဟင်ဂျာတွေရဲ့ အသက်အိုးအိမ်စည်းစိမ်တွေကို လူမဆန်စွာ ရက်စက်ကြမ်းကြုတ်စွာ မီးရှို့ဖျက်ဆီးခဲ့တယ်။ အစုလိုက်အပြုံလိုက်သတ်ဖြတ်ခဲ့တယ်။ အမျိုးသမီးတွေကို အုပ်စုလိုက် မုဒိန်းကျင့်ခဲ့တယ်။

နိုင်ငံတကာက လူမျိုးတုံးသုတ်သင်နေတာ ရပ်တန့်ရန် တောင်းဆိုနေပေမဲ့ မြန်မာအာဏာပိုင်တွေနဲ့ စစ်ခေါင်းဆောင်တွေကတော့ နိုင်ငံတကာဥပဒေကို မထီလေးစားပြုရုံမက စစ်အာဏာရှင်တွေရေးဆွဲတဲ့ ၁၉၈၂ နိုင်ငံသားဥပဒေနဲ့ အာနန်ကော်မရှင်ရဲ့ အကြံပြုချက်ကိုပင် လေးစားလိုက်နာခြင်းမရှိပေ။ ၁၉၈၂ ဥပဒေနဲ့ ကော်မရှင်ရဲ့ အစီရင်ခံစာမှာ မပါတဲ့ NVC ကဒ် လက်ခံရန် ဖိအားပေးနေတယ်။ တရားဥပဒေ မလေးစားမလိုက်နာတဲ့ ဂျီနိုဆိုဒ် တရားခံတွေက ရိုဟင်ဂျာတွေအား NVC ကဒ် လက်ခံရန် အတင်းအကြပ် လုပ်နေတယ်။ လက်မခံသူတွေကို အရေးယူမယ်လို့ ခြိမ်းခြောက်နေတယ်။ အစ္စလာမ်ဘာသာရေး အဖွဲ့အစည်းတွေထံလဲ လူမိုက်ဆန်ဆန် တရားဝင် ခြိမ်းခြောက်စာ ပို့ပြီး NVC လက်ခံလာအောင် ဆော်သြရန် တောင်းဆိုထားတယ်။

 

Facebook Comments
Comments are closed.

Check Also

Jews under Nazis’ Democracy and Rohingya under Burmese Democracy transition

Once in power, Hitler moved quickly to end German democracy. Jews, who numbered about 525,…