သရဏဂုံသည် ဗုဒ္ဓသာသနာတော်ကို စပြီး သက်ဝင်ယုံကြည်ကာ အစဦးဆုံးခံယူရဖြစ်သည့် ကုသိုလ် ကောင်းမှုတစ်မျိုးပင် ဖြစ်သည်။ ဗုဒ္ဓသာသနာဝင်အဖြစ် ခံယူရာ အဓိက သာသနာ့ဝင်ပေါက်ဖြစ်ပြီး သရဏဂုံအား ဖျက်ဆီးနေသူများမှာ ဂေါတမမြတ်စွာဘုရား၏ တရားဓမ္မနှင့် အဆုံးအမများကို တိမ်ကော ပျောက်ကွယ်အောင် လုပ်ဆောင်နေသူများသာ ဖြစ်သည်။

မြန်မာနိုင်ငံတွင် စစ်အစိုးရအုပ်ချုပ်သည့် ၁၉၈၈ ခုနှစ်မှစ၍ လမ်းတိုင်း၊ နေရာတိုင်းတွင် ဓမ္မာရုံများ ဆောက်ပြီး အလှူခံခြင်းနှင့် တရားပွဲများ ကျင်းပခြင်းတို့ကို ပြုလုပ်နေကြသည်။ ထိုသို့ဖြင့် တရားဓမ္မများကို အားပေးအားမြှောက် ပြုနေသည်ဟု ထင်ရသော်လည်း လက်တွေ့ဘဝမှာ သရဏဂုံကို ဘေးဖယ်ထားပြီး ဒိဋ္ဌိ၊ ဝိစိကိစ္ဆာ၊ သမ္မောဟ အသဒ္ဓိယ စသည့် ဗုဒ္ဓတရားတော်၌ ပြဋ္ဌာန်းထားခြင်းမရှိသည့် အယူမှားမှု၊ သံသယဖြစ်မှု၊ တွေဝေမှု၊ မယုံကြည်မှုကိုသာ ဦးစားပေးနေကြသည်။ ၁၉၈၈ ခုနှစ်မတိုင်မီ လမ်းတိုင်းတွင် ဓမ္မာရုံများမရှိခဲ့သော်လည်း ဗုဒ္ဓဘာသာဝင်အများစုက မြတ်ဗုဒ္ဓ၏ တရားဓမ္မများကို ကြည်ညို လေးစားမပြတ် ရှိခဲ့ကြသည်။

ဓမ္မာရုံများ ပေါ်လာပြီးသည့်အချိန်မှစ၍ သံဃာအတုများ၊ သရဏဂုံ ဖျက်တရားဟောမှုများ၊ ဘာသာရေးကို ခုတုံးလုပ်ပြီး အလှူတောင်းခံသူများ ပေါများလာသည်ကို တွေ့ရသည်။ နေရာတိုင်းတွင် အလှူခံများ နှင့် တရားပွဲများကိုတွေ့ရသော်လည်း ကမ္ဘာ့အလယ်မှာ အစွန်းရောက်မှုများကိုသာ ထင်ရှားစေခဲ့သည်။ ဗုဒ္ဓဘာသာဝင်များ နိုင်ငံတကာ အသိုင်းအဝိုင်းကြားတွင် အထင်အမြင်သေးခံရအောင် စစ်အာဏာရှင်များ၊ ၉၆၉နှင့် မဘသဘုန်းကြီးများက အားသွန်ခွန်စိုက် လုပ်နေကြသည်။

တစ်ချိန်က မင်းမဲ့စရိုက် အဆင့်ရှိသော တရုတ်နိုင်ငံ၌ ဗုဒ္ဓ၏တရားဓမ္မများက ငြိမ်းချမ်းရေး ဖော်ဆောင်ပေးခဲ့သော်လည်း၊ ဗုဒ္ဓဘာသာဝင် အများစုဖြစ်နေသည့် မြန်မာနိုင်ငံတွင်မူ ဗုဒ္ဓ၏ အဆုံးအမများအား လူမျိုးရေးဘာသာရေးမုန်းတီးမှုများဖြင့် အစားထိုးပြီး ပဋိပက္ခ များနှင့် ပြည်တွင်းစစ်များကိုသာ ဖန်တီးပေးလျက် နိုင်ငံ၏ စီးပွားရေး၊ လူမှုရေး၊ နိုင်ငံရေး၊ ပညာရေး အစစအရာရာ ယိုယွင်း ပျက်စီးသွားအောင် လုပ်နေကြသည်။

အမျိုးဘာသာ သာသနာနှင့် နိုင်ငံတော်၏ လုံခြုံရေးအတွက်ဟု ဆင်ခြေပေးပြီး ဗုဒ္ဓတရားဓမ္မများကို ဒိဋ္ဌိများဖြင့် အစားထိုးနေကြသည်။ ရခိုင်ပြည်နယ်တွင် ဘာသာမတူညီမှုကြောင့် ရိုဟင်ဂျာများ မျိုးတုံးသတ်ဖြတ်ခံနေရပြီး နိုင်ငံတော်၏ လုံခြုံရေးကိုပါ အန္တရာယ်တွင်းနက်ထဲ တွန်းပို့နေကြသည်။

ဒုက္ခအပေါင်း ချုပ်ငြိမ်းပြီး နိဗ္ဗာန်ရောက်မည့် မဂ္ဂကျင့်စဉ်ကို ဥပေက္ခာပြုလျက် လူမျိုးရေး၊ ဘာသာရေး မုန်းတီးမှု၊ ခွဲခြားဆက်ဆံမှု၊ ဘာသာလူမျိုး မတူညီသည့်အတွက် ညှင်းပန်းနှိပ်စက်မှုများကို ပြုမူ ကျင့်ကြံ နေကြသည်။ သမ္မာဒိဋ္ဌိကို မဟုတ်မမှန် ဝါဒဖြန့်မှုဖြင့်လည်းကောင်း၊ သမ္မာဝါစာကို လိမ်ညာသတင်းလွှင့်မှုဖြင့်လည်းကောင်း၊ သမ္မာကမ္ဗန္တကို “ငါတို့ နိုင်ငံအကြောင်း ငါတို့သာ အသိဆုံး” ဟုပြောပြီး မိမိတို့ စိတ်အလိုကျ လုပ်ခြင်းဖြင့်လည်းကောင်း၊ နိုင်ငံတကာ အသိုင်းအဝိုင်းက ဗုဒ္ဓတရားဓမ္မအား အထင်အမြင်သေးအောင် လုပ်နေကြသည်။

မြန်မာနိုင်ငံတွင် ယနေ့အထိ မည်သူတစ်ဦး တစ်ယောက်မျှ နိုင်ငံသားဖြစ်ခွင့် မရှိ။ နိုင်ငံသားစီစစ်ရေး အဆင့်ဖြင့်သာ နေကြရသည်။ မြန်မာစာ နားမလည်သော လူနုံ လူအများကလည်း စီစစ်ရေးကဒ်ပြားကိုယ်စီ ကိုင်ထားပြီး “ငါတို့ နိုင်ငံသားကွ၊ ငါတို့က တိုင်းရင်းသားကွ” ဟု ပြောကြသည်။ ၂၀၁၄ သန်းခေါင်စာရင်းအရ မြန်မာနိုင်ငံ၏ လူမျိုးအရေအတွက်မှာ ခုနှစ် ရာကျော်ရှိနေသော်လည်း ယနေ့အထိ လူမိုက်ဆန်ဆန် တိုင်းရင်းသား ၁၃၅မျိုးဟု မရှက်မကြောက် ပြောဆိုနေကြသည်။

ရိုဟင်ဂျာတို့မှာ ခိုးဝင်ဘင်္ဂလီများသာ ဖြစ်သည်ဟု နိုင်ငံတော်ပိုင် မီဒီယာများမှတစ်ဆင့် နှစ်ပေါင်းများစွာ ဝါဒဖြန့်ခဲ့သော်လည်း ယခုအခါ ကော်မရှင်တစ်ခုပြီးတစ်ခု ဖွဲ့စည်းပေးပြီး ပြန်လည်ခေါ်ယူရန် ဆန္ဒပြင်းပြနေကြသည်။ NVC ကဒ်များထုတ်ပေးပြီး ဂျီနိုဆိုဒ်၏နောက်ဆုံးအဆင့်များ အတွက် ပြင်ဆင်နေကြသည်။

စစ်အာဏာရှင်များနှင့် အစွန်းရောက် ဗုဒ္ဓဘာသာဝင်များက ဘာသာရေး၊ လူမျိုးရေး၊ မုန်းတီးမှုများ၊ ခွဲခြားဆက်ဆံမှုများ၊ ဖိနှိပ်ချုပ်ချယ်မှုများကိုသာ တစိုက်မတ်မတ် လုပ်ဆောင်နေခြင်းကြောင့် ဗုဒ္ဓဘာသာနှင့် နိုင်ငံတော်သာလျှင် အထိနာဆုံးဖြစ်ရသည်။ ဗုဒ္ဓဘာသာဝင် ပြည်သူအားလုံးက သရဏဂုံကို ကြည်ညိုသော အားဖြင့် အမှန်တရားဘက်မှ ရပ်တည်ပေးပြီး စစ်အာဏာရှင်များနှင့် အစွန်းရောက်များကို တော်လှန်သင့်သည်။

အရပ် (၁၀) မျက်နှာနေ အနန္တစကြဝဠာ၊ အနန္တသတ္တဝါများအားလုံး

အကြွင်းမရှိ-
ဘေးရန်ခပ်သိမ်း ကင်းငြိမ်းနိုင်ကြပါစေ
ဒေါသခပ်သိမ်း ကင်းငြိမ်းနိုင်ကြပါစေ
ဆင်းရဲခပ်သိမ်း ကင်းငြိမ်းနိုင်ကြပါစေ
မောဟခပ်သိမ်း ကင်းငြိမ်းနိုင်ကြပါစေ
ကြောင့်ကြခပ်သိမ်း ကင်းငြိမ်းနိုင်ကြပါစေ
သောကခပ်သိမ်း ကင်းငြိမ်းနိုင်ကြပါစေ
မကောင်းမှုအားလုံးမှ ကင်းငြိမ်းနိုင်ကြပါစေ
အကုသိုလ်အမှုများမှ ကင်းငြိမ်းနိုင်ကြပါစေ

 

Facebook Comments
Comments are closed.

Check Also

NVC program may kill thousands of Rohingya

Town Administration of Sittwe, Heads of Immigration Department, and Border Guards met Rohi…