နိုင်ငံတကာ၏ တောင်းဆိုမှုကြောင့် IDP စခန်းများကို ရုတ်သိမ်းမည်ဟု ပြောနေသော်လည်း အဆိုပါ IDP စခန်းများတွင် နေထိုင်ကြသော ဒုက္ခသည်များအား သူတို့၏ မူလနေရာများတွင် ပြန်လည်ခြေချခွင့် မပေးခြင်းနှင့် NV ကတ်ထုတ်ပေးခြင်းတို့သည် ဖျောက်ဖျက်၍ မရနိုင်သော ဂျီနိုဆိုဒ် သက်သေများပင်ဖြစ်ပါသည်။

IDP ဒုက္ခသည်များကို သူတို့၏ မူလနေရာများတွင် ပြန်လည်နေထိုင်ခွင့်မပြုရန် နှင့် ရိုဟင်ဂျာသမိုင်းအား ဖျောက်ပစ်ရန် နိုင်ငံတော်၏ လူမျိုးတုံးသတ်ဖြတ်ရေး အစီစဉ်တွင် ထည့်သွင်းထားသည်။ လူမျိုးတုံးသုတ်သင်ရေး အစီစဉ်အရ လူမျိုးရေးဘာသာရေး ပဋိပက္ခအမည်ဖြင့်လည်းကောင်း အနောက် တံခါးအန္တရာယ်ဟု ဝါဒဖြန့်၍လည်းကောင်း ရခိုင်ပြည်အနှံ့တွင် ရိုဟင်ဂျာတို့၏ အသက်အိုးအိမ်စည်းစိမ်များကို သတ်ဖြတ်မီးရှို့ဖျက်ဆီးခဲ့ရုံမက ဂျီနိုဆိုဒ် သဲလွန်စများ မကျန်အောင်လည်း နိုင်ငံတော်အစီအမံဖြင့် ဆောင်ရွက်လာခဲ့ပါသည်။

၂၀၁၈ ဇန္နဝါရီတွင် မြေပုံရှိ IDP ဒုက္ခသည် အိမ်ထောင်စု ၅၀ ကို IDP စခန်းနှင့် မနီးမဝေးတွင် လုံးချင်းအိမ်များဆောက်ပေးလျက် နေရာချပေးခြင်းဖြင့် IDP စခန်းများ စတင် ရုပ်သိမ်းနေပြီဟု နိုင်ငံတော်ပိုင် မီဒီယာများ၌ ဝါဒဖြန့်ခဲ့သည်။ ဧပြီလ ၂၈ ရက်နေ့တွင် ရခိုင်ပြည်အစိုးရမှ တာဝန်ရှိသူများ မြို့နယ်အုပ်ချုပ်ရေးမှူးနှင့် ဌာနဆိုင်ရာများ မြေပုံဒုက္ခသည်စခန်းသို့ သွားရောက်၍ ကျန်ရှိနေသော ဒုက္ခသည်အားလုံးကိုလည်း အလားတူ အိမ်ဆောက်ပေးမည်ဟု ပြောခဲ့သည်။

ယခုဆောက်ပေးနေသော အိမ်များသည် ရုပ်အားဖြင့် အနည်းငယ်ပြောင်းလဲမှုရှိသော်လည်း ဒုက္ခသည်တို့၏ စားဝတ်နေရေးအတွက်မူ IDP စခန်းထက် ဆိုးနေသည်။ ယခင်နေထိုင်ခဲ့သော နေရာလည်း မဟုတ်သလို ရွာချင်းလည်းမဆက် လူသူလည်းမနီး တောကြီးမျက်မည်းထဲတွင် အိမ်ဆောက်ကာ ပြန်လည်နေရာချထားပေးချင်းမှာ – ငတ်ပြတ်ကာ လုပ်ကိုင်ရှာဖွေ စားသောက်စရာလည်း မရှိရကား မင်းတို့ ခွေးသေ ဝက်သေ သေစေရော့ ဟု လူမျိုးတုန်း အပြီးရှင်းပစ်ခြင်းပင်-

IDP စခန်းများတွင် ရိက္ခာရပြီး ယခုနေရမည့်နေရာသစ်တွင် အသက်ရှင်နိုင်မည် အရိပ်လက္ခဏာ လုံးဝမရှိကြောင်း ဒုက္ခသည်တစ်ဦးဖြစ်သူ ဟဘီရာမန်က ပြောသည်။

ဘင်္ဂလားဒေ့ခ်ျနိုင်ငံဘက် အသက်လုထွက်ပြေးခဲ့ကြသော ဒုက္ခသည်များကို ပြန်လည်ခေါ်ယူရန် ကယ်ဆယ်ရေးနှင့် ပြန်လည်နေရာချထားရေး ဝန်ကြီး ဦးဝင်းမြတ်အေးနှင့်အဖွဲ့ ဘင်္ဂလားဒေ့ခ်ျနိုင်ငံသို့ သွားရောက်ခဲ့သည်။ ထိုစဉ် ဒုက္ခသည်အားလုံးမှာ ကျွန်တော်တို့၏ မိသားစုဝင်များ ဖြစ်ကြောင်း သူတို့၏ ကိုယ်ရေးအချက်အလက်များလည်း လဝကရုံးမှာ ရှိနေကြောင်း သူတို့ကို အမြန်ဆုံး ပြန်လည်ခေါ်ယူနိုင်ရန် စီစဉ်နေကြောင်း ဦးဝင်းမြတ်အေးက ပြောခဲ့သည်။

စစ်အစိုးရလက်ထပ်တွင် နစကအဖွဲ့ဖွဲ့စည်းပေး၍ ၁၉၆၅မှစပြီး ၂၀၁၆အထိ ရိုဟင်ဂျာများကို အကြိမ်ပေါင်းများစွာ ဆွဲတင်စစ် စီမံကိန်းအရ စစ်ဆေးကာ မှတ်တမ်းတင်ခဲ့သည်။ သူတို့လက်ဝယ်ရှိ NRC ကဒ်များကို သိမ်းယူပြီး ဝှိုက်ကဒ်များထုတ်ပေး၍ နိုင်ငံမဲ့အဖြစ် ဖန်တီးခဲ့သည်။ ယခု ဝှိုက်ကဒ်ထက် အဆမတန်ပိုဆိုးသော NVC ကတ်ပြားများ လက်ခံရန် ဖိအား အမျိုးမျိုးပေးနေသည်။ NVCကို အာနန်ကော်မရှင်၏ အစီရင်ခံစာအတိုင်း ဟုလည်းကောင်း ၁၉၈၂ ဥပဒေနှင့်အညီ ဆောင်ရွက်ခြင်းဟုလည်းကောင်း ဝါဒဖြန့်နေသည်။

ထို့ပြင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီဥက္ကဋ္ဌ ဦးသန်းဌေးက မဇ္စိ္ဈမသတင်းဌာနနှင့် တွေ့ဆုံရာတွင် ရိုဟင်ဂျာကို တစ်နိုင်ငံလုံးအတွက် အန္တရာယ်ကြီးဟုလည်းကောင်း လဝကဝန်ကြီး ဦးမြင့်ဆွေက သူတို့ကို အကျဉ်းစခန်း၌ပင် ဆက်လက် ပိတ်လှောင်ထားရမည်ဟုလည်းကောင်း ပြောကြားခဲ့သည်။ ကျောက်ဖြူဒုက္ခသည်စခန်း ပိတ်နိုင်ရေးအတွက် လုံခြုံရေးအရာရှိများက ဒုက္ခသည်များကို ကုန်းကြောင်းအတိုင်း မောင်းထုတ်နေပြီ။ မြေပုံဒုက္ခသည်စခန်းကို အခြေအနေပိုဆိုးသည့် နာဇီအကျဉ်းစခန်းအသစ်ဖြင့် အစားတိုးနေပြီ။

အလားတူ ပေါက်တော IDP အတွက်လည်း အကျဉ်းစခန်းသစ် ဆောက်လုပ်ရန် စီစဉ်နေသည်။ ၂၀၁၂ မှစ၍ ယနေ့အထိ ဒုက္ခသည်အားလုံးက သူတို့၏ မူလနေရာများတွင် ပြန်လည်အခြေချခွင့် ပေးပါရန် နိုင်ငံတော်အစိုးရထံ အကြိမ်ကြိမ်တောင်းဆိုခဲ့သော်လည်း နိုင်ငံတော်၏ လူမျိုးတုံးသုတ်သင်ရေးစီမံကိန်းအရ သူတို့ကို အကျဉ်းစခန်းများ၌ပင် ဆက်လက်ထားပြီး ငတ်ဖြတ်သေစေရန် ဆောင်ရွက်နေကြသည်။

ငါးဖမ်းခြင်း လယ်လုပ်ခြင်းတို့ဖြင့် အသက်မွေးကြသူများကိုလည်း NVC မယူသည့်အတွက်ဟုဆိုကာ ငတ်ဖြတ်သေအောင်လုပ်နေသည်။ တချို့ကိုလည်း မက်လုံးပေးပြီး စက်လှေပေါ်တင်ပေးလျက် ရေကြောင်းမှ မောင်းထုတ်နေကြသည်။ သို့ဖြစ်ရကား သွားစရာလည်း မြေမရှိ စားစရာလည်း လယ်မရှိ ပြေးစရာလည်း ကုန်းမရှိ လုပ်ကိုင်ရှာဖွေစားသောက်စရာလည်း မူလနေရာမရှိ ဖြစ်နေရှာသော ရိုဟင်ဂျာတို့၏ ဘဝသည်ကား သေသော်မှတည့်အော်ကောင်း၏ ဘဝရောက်အောင် နာဇီအစိုးရက တွန်းပို့နေခြင်းသည်ကား မဖျောက်နိုင်သော ဂျီနိုဆိုဒ် သက်သေလက္ခဏာများပင် ဖြစ်ပါသည်။

အစိုးရက ဒုက္ခသည်စခန်းများ ရုပ်သိမ်းမည်ဟုတရားဝင် ထုတ်ဖော်သော်လည်း လက်တွေ့မှာ အကျဉ်းစခန်းဟောင်းကို အကျဉ်းစခန်းသစ်နှင့် အစားတိုးခြင်းသာဖြစ်ကြောင့် ဤလုံးချင်းအိမ်များက သက်သေထူ (ဓါတ်ပုံ- ၂၉.၄.၂၀၁၈ နေ့ မြေပုံအကျဉ်းစခန်းသစ်)
previous arrowprevious arrow
next arrownext arrow
PlayPause
Slider

 

Comments are closed.

Check Also

ခိုးဝင်ဘင်္ဂလီများ အဖမ်းခံရခြင်း၏ ပဟေဠိဖြစ်နေသော ပုစ္ဆာ

ဧရာဝတီတိုင်းဒေသကြီး၊ ဟင်္သာတခရိုင်၊ ကြံခင်းမြို့နယ် ခုံကြီးကျေးရွာ အနောက်ဘက် (၆)မိုင်ခန့်အကွ…